«Арсенал» бош мураббийи Микель Артетанинг 16 ёшли ўғли Габриэль Артета Лондон клубининг ўсмирлар жамоасида (U18) дебют қилди. Бу ҳақда ESPN нашри хабар бермоқда.
Чоршанба куни, 22 апрель санасида бўлиб ўтган «Блэкберн» U18 жамоасига қарши баҳсда Габриэль майдонга тушди. Учрашувда «канонирлар» 3:0 ҳисобида ишончли ғалабани қўлга киритишди.
Маълумот учун, «Арсенал»нинг асосий жамоаси ҳозирда «Манчестер Сити» билан биргаликда Премьер-лига турнир жадвалида пешқадамлик қилмоқда. 33 та ўйиндан сўнг ҳар икки клуб ҳисобида 70 тадан очко мавжуд. Эслатиб ўтамиз, ўтган дам олиш кунларида Микель Артета шогирдлари сафарда «шаҳарликлар»га 1:2 ҳисобида имкониятни бой беришган эди.













