«Manchester Yunayted»ning sobiq sardori Roy Kin «Tottenxem»ning Angliya Premyer-ligasida jon saqlab qolish uchun olib borayotgan kurashi haqida o‘z fikrlari bilan o‘rtoqlashdi.
«Tottenxem» yuz foiz Angliya Premyer-ligasida qoladi. Bor pulingizni shunga tiking, shunchaki «shporlar»ning APLdagi o‘rnini saqlab qolishiga bor mablag‘ingizni tikavering», — dedi Kin The Overlapga bergan intervyusida.
Ayni damda «Tottenxem» Angliya chempionati turnir jadvalida 33 turdan so‘ng 31 ochko jamg‘arib, 18-o‘rinda bormoqda. «Shporlar» APLda qolish imkonini beruvchi 17-pog‘onadagi «Vest Xem»dan ikki ochkoga ortda qolmoqda. Navbatdagi turda «Tottenxem» «Vulverxempton» mehmoni bo‘ladi, uchrashuv 25 aprel kuni bo‘lib o‘tadi.
