«Манчестер Юнайтед»нинг собиқ сардори Рой Кин «Тоттенхэм»нинг Англия Премьер-лигасида жон сақлаб қолиш учун олиб бораётган кураши ҳақида ўз фикрлари билан ўртоқлашди.
«Тоттенхэм» юз фоиз Англия Премьер-лигасида қолади. Бор пулингизни шунга тикинг, шунчаки «шпорлар»нинг АПЛдаги ўрнини сақлаб қолишига бор маблағингизни тикаверинг», — деди Кин The Overlapга берган интервьюсида.
Айни дамда «Тоттенхэм» Англия чемпионати турнир жадвалида 33 турдан сўнг 31 очко жамғариб, 18-ўринда бормоқда. «Шпорлар» АПЛда қолиш имконини берувчи 17-поғонадаги «Вест Хэм»дан икки очкога ортда қолмоқда. Навбатдаги турда «Тоттенхэм» «Вулверхэмптон» меҳмони бўлади, учрашув 25 апрель куни бўлиб ўтади.
