«Barselona» yarim himoyachisi Frenki de Yong futboldagi kumirlari haqidagi savolga javob berdi.
«Leo Messi doim mening kumirim bo‘lgan, ammo hozir, ochig‘ini aytsam, o‘rnak oladigan alohida ideal futbolchim yo‘q», — deya 28 yoshli niderlandiyalik futbolchining so‘zlarini keltirmoqda Ispaniya OAVlari.
Frenki de Yong 2019 yilning o‘rtalarida Amsterdamning «Ayaks» klubidan «Barselona»ga o‘tgan edi. Lionel Messi esa oradan ikki yil o‘tib Kataloniya superklubini tark etgan. Hozirda 38 yoshli argentinalik yulduz «Inter Mayami» sharafini himoya qilmoqda.
