«Santos»ning ayrim futbolchilari Neymardan norozi. 34 yoshli yulduzga nisbatan jamoa ichidagi munosabat turlicha ekani aytilmoqda.

The Touchline nashrining jurnalist Lukas Musettiga tayanib xabar berishicha, bir qator futbolchilarga Neymarning ishga bo‘lgan munosabati yoqmayapti. Biroq hozircha bu norozilik jamoaviy tarzda ochiq ifoda etilish darajasiga yetgani yo‘q.

Neymar o‘tgan yilning boshida Saudiyaning «Al-Hilol» klubidan erkin agent sifatida o‘zining qadrdon klubiga qaytgan edi. Joriy mavsumning 10 ta o‘yinida hujumchi 4 ta gol urdi va 3 ta golli uzatmani amalga oshirdi. Futbolchining amaldagi shartnomasi shu yilning oxirigacha mo‘ljallangan.