«Сантос»нинг айрим футболчилари Неймардан норози. 34 ёшли юлдузга нисбатан жамоа ичидаги муносабат турлича экани айтилмоқда.
The Touchline нашрининг журналист Лукас Мусеттига таяниб хабар беришича, бир қатор футболчиларга Неймарнинг ишга бўлган муносабати ёқмаяпти. Бироқ ҳозирча бу норозилик жамоавий тарзда очиқ ифода этилиш даражасига етгани йўқ.
Неймар ўтган йилнинг бошида Саудиянинг «Ал-Ҳилол» клубидан эркин агент сифатида ўзининг қадрдон клубига қайтган эди. Жорий мавсумнинг 10 та ўйинида ҳужумчи 4 та гол урди ва 3 та голли узатмани амалга оширди. Футболчининг амалдаги шартномаси шу йилнинг охиригача мўлжалланган.
