«Bavariya» klubining sobiq himoyachisi Filipp Lam Myunxen klubining Bundesligadagi hukmronligi haqidagi mulohazalari bilan o‘rtoqlashdi.

Avvalroq, Vensan Kompani boshqaruvidagi jamoa o‘z tarixida 35-bor Germaniya chempioniga aylangan edi.

«Bundesliga — juda jozibador liga. Bizda boy tarixga ega ko‘plab buyuk klublar bor. Albatta, yaqin yillar ichida bittadan ko‘proq chempionga ega bo‘lish (raqobat kuchayishi) ajoyib bo‘lardi. Ammo shuni ham tan olishimiz kerakki, «Bavariya» futbolchilarni rivojlantirish va xalqaro marketing borasida haqiqatan ham ulkan ishni amalga oshirdi.

Shunga qaramay, «Shtutgart» kabi boshqa klublarda ham yaqin yillarda rivojlanish uchun imkoniyatlar albatta bo‘ladi — agar ular Chempionlar ligasida muntazam ishtirok etishda davom eta olishsa», — dedi Filipp Lam.