«Real Madrid» yarim himoyachisi Jud Bellingem va darvozabon Tibo Kurtua mashhur tennischilar Rafael Nadal hamda Yannik Sinner bilan birgalikda mashg‘ulot kortida tennis o‘ynashdi. Ushbu kort «Santyago Bernabeu» stadioni maydonida ATP va WTA xalqaro turnirlari o‘tkazilishi munosabati bilan tashkil etilgan, deb xabar bermoqda PA.
Musobaqalar sababli stadiondagi chim qoplamasi vaqtinchalik tuproqli kortga almashtirildi. Turnirlar 3 mayga qadar davom etadi. «Real» esa 14 maygacha o‘z uyida o‘yin o‘tkazmaydi.
Kort 23 aprel kuni tushdan keyin ochildi.
«Rahmat, «Real». «Bernabeu»dagi ushbu noyob kortdan zavqlanish juda o‘zgacha bo‘ldi», — deb yozib qoldirdi Nadal ijtimoiy tarmoqdagi sahifasida.
