«Реал Мадрид» ярим ҳимоячиси Жуд Беллингем ва дарвозабон Тибо Куртуа машҳур теннисчилар Рафаэль Надаль ҳамда Янник Синнер билан биргаликда машғулот кортида теннис ўйнашди. Ушбу корт «Сантьяго Бернабеу» стадиони майдонида ATP ва WTA халқаро турнирлари ўтказилиши муносабати билан ташкил этилган, деб хабар бермоқда PA.
Мусобақалар сабабли стадиондаги чим қопламаси вақтинчалик тупроқли кортга алмаштирилди. Турнирлар 3 майга қадар давом этади. «Реал» эса 14 майгача ўз уйида ўйин ўтказмайди.
Корт 23 апрель куни тушдан кейин очилди.
«Раҳмат, «Реал». «Бернабеу»даги ушбу ноёб кортдан завқланиш жуда ўзгача бўлди», — деб ёзиб қолдирди Надаль ижтимоий тармоқдаги саҳифасида.
