MLS «Inter Mayami» yarim himoyachisi Yannik Braytni «Kolorado»ga qarshi o‘yinda (3:2) kamsitmaslik siyosatini buzgani uchun yana bitta o‘yinga chetlatdi, deb xabar bermoqda ESPN.
24 yoshli italiyalik futbolchi bahsning 87-daqiqasida kamsituvchi iboralarni ishlatgani uchun qizil kartochka olgan edi. Shu sababli u «Real Solt-Leyk» bilan o‘yinni o‘tkazib yuborgandi, endi esa «Nyu-Inglend Revolyushn»ga qarshi uchrashuvda ham maydonga tusha olmaydi. Shuningdek, yarim himoyachi MLS buyrug‘iga binoan majburiy tarbiyalovchi-amaliy dasturdan o‘tishi shart bo‘ladi.
«Ushbu siyosat doirasida qaror qabul qilishda MLS ko‘plab omillarni, jumladan, o‘yinchining o‘z qilmishi uchun mas’uliyatni darhol zimmasiga olishi, xatosini tuzatish jarayonini boshlashga tayyorligi va tergov davomidagi hamkorligini inobatga oladi», — deyiladi liga press-relizida.
2026 yilgi mavsumda Brayt 9 ta o‘yinda maydonga tushib, bitta golli uzatmani amalga oshirdi. U 2023 yilning dekabridan beri «Inter Mayami» sharafini himoya qilib kelmoqda.
