МЛС «Интер Майами» ярим ҳимоячиси Янник Брайтни «Колорадо»га қарши ўйинда (3:2) камситмаслик сиёсатини бузгани учун яна битта ўйинга четлатди, деб хабар бермоқда ESPN.
24 ёшли италиялик футболчи баҳснинг 87-дақиқасида камситувчи ибораларни ишлатгани учун қизил карточка олган эди. Шу сабабли у «Реал Солт-Лейк» билан ўйинни ўтказиб юборганди, энди эса «Нью-Инглэнд Революшн»га қарши учрашувда ҳам майдонга туша олмайди. Шунингдек, ярим ҳимоячи МЛС буйруғига биноан мажбурий тарбияловчи-амалий дастурдан ўтиши шарт бўлади.
«Ушбу сиёсат доирасида қарор қабул қилишда МЛС кўплаб омилларни, жумладан, ўйинчининг ўз қилмиши учун масъулиятни дарҳол зиммасига олиши, хатосини тузатиш жараёнини бошлашга тайёрлиги ва тергов давомидаги ҳамкорлигини инобатга олади», — дейилади лига пресс-релизида.
2026 йилги мавсумда Брайт 9 та ўйинда майдонга тушиб, битта голли узатмани амалга оширди. У 2023 йилнинг декабридан бери «Интер Майами» шарафини ҳимоя қилиб келмоқда.
