Iroq jurnalistlari yozishicha, «Arbil» klubida jiddiy moliyaviy muammolar yuzaga kelgan. To‘rt oydan beri futbolchilar maosh olmayapti. Aniqrog‘i, maosh mahalliy futbolchilarga to‘lanmayapti, Iroq chempionatining eng yaxshi to‘purari bo‘lib turgan Sherzod Temirov esa yaqin vaqtgacha maoshini kechikishlarsiz olib kelgan.

Ma’lum qilinishicha, aprel oyida Sherzod ham pul olishdan bosh tortgan va klubga avvalo mahalliy o‘yinchilar bilan hisob-kitob qilishni taklif etgan. Mantiq oddiy: legioner sifatida Sherzod har doim FIFAga murojaat qilib, o‘z huquqini himoya qila oladi. Mahalliy futbolchilarda esa bunday imkoniyat yo‘q.