Shotlandiyalik futbolchi Skott Maktominay «Napoli»ning «Kremoneze»ga qarshi bahsida faol ishtirok etdi. U gol urib, jamoasining 4:0 hisobidagi g‘alabasiga hissa qo‘shdi. Biroq, o‘yin yakunida Skott 11 metrlik jarima zarbasini amalga oshirishda xatoga yo‘l qo‘ydi.
«Bugun uchrashuvni yaxshi boshlash va bahsning ikkinchi yarmida o‘yin dinamikasini boshqarish muhim edi. Biz buni juda yaxshi uddaladik», — deya shotlandiyalik futbolchining so‘zlarini keltiradi calcionapoli1926.it.
Eslatib o‘tamiz, Skott Maktominay 2024 yildan beri «Napoli» sharafini himoya qilib kelmoqda va o‘tgan yili jamoa tarkibida Italiya chempioniga aylangan edi.
