Angliya chempionatida ligada jon saqlab qolish uchun kurashayotgan «Nottingem Forest» navbatdagi uchrashuvini ko‘tarinki ruhda o‘tkazdi va «Sanderlend» darvozasiga javobsiz beshta gol urdi. Ushbu bahs haqida «o‘rmonchilar» hujumchisi Kris Vud o‘z fikrlarini bildirdi.
«Juda yoqimli o‘yin va natija bo‘ldi. Ayniqsa, birinchi bo‘lim shunchaki fantastik o‘tdi, hamma narsa ko‘ngildagidek chiqdi. Gol urish menga zavq bag‘ishlaydi, ayniqsa anchadan beri gol urmayotganimni inobatga olsak. Mavsum oson kechmadi, lekin hozir biz yuksalishdamiz. Shunga qaramay, ligada qolish uchun kurash davom etmoqda, hali hech narsa hal bo‘lgani yo‘q», — deya futbolchining so‘zlarini keltiradi BBC Sport.
Ma’lumot uchun, «Nottingem Forest» jamoasining joriy mavsumda yana to‘rtta o‘yini qolgan.
