Italiya chempionatining o‘tgan turidagi omadsizlikdan so‘ng, «Napoli» o‘z maydonida «Kremoneze»ni qabul qilib, raqib darvozasiga javobsiz to‘rtta gol urdi. Neapolliklar ustozi Antonio Konte voqealarning bunday rivojidan mamnun.
«Men «Lasio» bilan o‘yindagi omadsizlikdan so‘ng jamoadan munosib reaksiya kutgandim va bu sodir bo‘ldi. Biz o‘zimizni oqlashni juda xohlagandik. «Lasio»ga qarshi bahsdan so‘ng manzilimizga haddan tashqari ko‘p tanqidlar yog‘ildi, vaholanki, oxirgi mavsumlardagi muvaffaqiyatlarimizni unutmaslik kerak edi», — deya Kontening so‘zlarini keltiradi calcionapoli1926.it.
Eslatib o‘tamiz, neapolliklar hozirda mamlakatning amaldagi chempioni maqomini saqlab turishibdi.
