«Manchester Yunayted» sardori Brunu Fernandesh Krishtianu Ronaldu nihoyat ushbu sovrinni qo‘lga kiritishi uchun Portugaliya terma jamoasining 2026 yilgi Jahon chempionatidagi g‘alabasini intizorlik bilan kutayotganini tan oldi.
«Yaqinlashib kelayotgan Jahon chempionatini Krishtianuning g‘alabasi bilan yakunlash aql bovar qilmaydigan ish bo‘lardi. Bunga erishishimizdan juda umidvorman. Bu nafaqat Portugaliya uchun, balki Krishtianu futbol va butun dunyo uchun qilgan ishlari evaziga ham muhimdir», — deya futbolchining so‘zlarini keltiradi BBC.
Ronaldu ilk bor bundan 20 yil avval — 2006 yili Germaniyada o‘tgan Jahon chempionatida ishtirok etgan edi. Uning davrida portugaliyaliklar qayd etgan eng yuqori natija to‘rtinchi o‘rin (2006 yilda) bo‘lib qolmoqda.













