«Nyukasl» bosh murabbiyi Eddi Xau Angliya chempionati doirasida Londonning «Arsenal» jamoasiga qarshi bo‘lib o‘tadigan o‘yin haqida o‘z fikrlari bilan o‘rtoqlashdi.

«So‘zsiz, bu biz uchun navbatdagi imkoniyat. Bizda o‘zimizni va boshqalarni, lekin eng muhimi — o‘zimizni qaytadan isbotlash uchun imkoniyat bor. Biz bor e’tiborimizni jamlashimiz va reja tayyorlashimiz kerak», — deya Xauning so‘zlarini keltiradi «qarg‘alar» matbuot xizmati.

Angliya Premyer-ligasining 34-turidan o‘rin olgan «Arsenal» va «Nyukasl» o‘rtasidagi uchrashuv shanba kuni, 25 aprel kuni bo‘lib o‘tadi. Bahs Toshkent vaqti bilan soat 21:30 da boshlanishi rejalashtirilgan.