Angliyada «Chelsi» yarim himoyachisi Koul Palmerning jamoadan ketishi mumkinligi haqidagi mish-mishlar tinmayapti.
Agar «ko‘klar» mavsum yakuniga ko‘ra Chempionlar ligasiga yo‘llanma ololmasalar, ingliz yulduzi faoliyatini boshqa klubda davom ettirish haqida o‘ylab ko‘rishi mumkin. Transfer News Live nashrining Football Insider’ga tayanib xabar berishicha, «Chelsi» Palmerni sotish ehtimolini istisno qilmayapti, biroq buning uchun juda katta summa — taxminan 130 million funt sterling (150 million yevro) talab qiladi. Manbaning ta’kidlashicha, bunday talabni faqat ikkita klub — Madridning «Real»i va «PSJ» qabul qilishi mumkin.
2023 yilda «Chelsi» Koul Palmerni «Manchester Siti»dan 47 million yevro evaziga sotib olgan edi. Joriy mavsumda 23 yoshli futbolchi London jamoasi safida 28 ta o‘yinda maydonga tushib, 10 ta gol va 3 ta golli uzatmani o‘z hisobiga yozdirib qo‘ydi.
