«Barselona» bosh murabbiyi Xans-Diter Flik «Xetafe» ustozi Xose Bordalasning fikrlariga munosabat bildirdi.

Ispaniyalik mutaxassis Flikni raqiblarning o‘yini haqida haddan tashqari ko‘p gapirishda ayblagan edi. Jurnalistlar shanba kungi «Xetafe»ga qarshi bahs oldidan germaniyalik murabbiydan ushbu vaziyatga izoh berishni so‘rashdi.

«Yakuniy xulosada u haq – bor e’tiborni o‘z jamoangga qaratganing ma’qul. Biroq ba’zida o‘yindan so‘ng hissiyotlar ustunlik qiladi. Bu tabiiy hol, hech qanday muammo yo‘q», – dedi Flik matbuot anjumanida.

Kataloniya grandi uchun safarda kechadigan «Xetafe»ga qarshi bahs Toshkent vaqti bilan soat 19:15 da boshlanadi. Agar «ko‘k-anorranglilar» g‘alaba qozonsa, ta’qibchilar uchun deyarli yetib bo‘lmas darajaga chiqib olishadi – Madridning «Real» klubi bilan oradagi farq 11 ochkogacha yetadi.