Dunyoning birinchi raqamli raketkasi Yannik Sinner Jud Bellingem va Tibo Kurtua bilan bo‘lgan suhbatdan olgan taassurotlari bilan o‘rtoqlashdi.
Avvalroq Sinner, Bellingem, Kurtua va Rafael Nadal «Santyago Bernabeu» stadionida tennis o‘ynashgan edi.
«Bu juda qiziqarli kun bo‘ldi. Men «Bernabeu»da birinchi marta bo‘lishim. Futbol stadioni ichidagi kort biroz g‘alati ko‘rindi, lekin shu bilan birga bu o‘ziga xos manzara edi. Bunday voqea birinchi marta sodir bo‘ldi.
Kurtua va Bellingem bilan tanishish yoqimli bo‘ldi. Ular ko‘p yillardan beri yuqori darajada bo‘lishlariga qaramay, juda kamtar insonlar ekan. Jud — hayratlanarli o‘yinchi va mening kumirlarimdan biri. Kurtua bilan esa biroz ko‘proq vaqt o‘tkazdik — stadiondan birga chiqib ketdik va turli mavzularda suhbatlashdik. Va albatta, Rafani yana ko‘rish men uchun alohida voqelik bo‘ldi», — dedi Sinner matbuot anjumanida.
