Madridning «Real» klubi joriy mavsumda barchadan — hakamlardan tortib o‘yinchilargacha ko‘ngli qolgan.
Jurnalist Xose Feliks Diasning ma’lumotlariga ko‘ra, Madrid klubi rahbariyati futbolchilar bu mavsumda maydonda o‘yinga nisbatan yomon munosabatda bo‘lishdi, bosh murabbiylar esa noto‘g‘ri qarorlar qabul qilishdi, deb hisoblamoqda. Aynan shu sababli «Real» joriy mavsum yakunlariga ko‘ra sovrinsiz qoladi.
Bundan tashqari, «qaymoqranglilar» rahbariyatining fikricha, hakamlar jamoa natijalariga ta’sir ko‘rsatgan ko‘plab noto‘g‘ri qarorlarni chiqarishgan. «Real» jamoada to‘liq qayta qurishni amalga oshirmagan holda, yangi murabbiy taklif qilish va tarkibni kuchaytirishga qaror qildi.
