«Bavariya» sport direktori Maks Eberl darvozabon Manuel Noyer bilan shartnomani uzaytirish ehtimoli haqidagi vaziyatga to‘xtalib o‘tdi.

«Noyer — afsona. Biz muzokaralar stoliga o‘tiramiz va yangi shartnoma borasida xotirjam gaplashib olamiz. Agar Noyer shartnomani uzaytirishga o‘zini tayyor his qilsa, uning yana bir yil davomida «Bavariya»da to‘p surishiga nima to‘sqinlik qilishi mumkinligini bilmayman», — dedi Eberl ZDF telekanaliga bergan intervyusida.

Manuel Noyer 2011 yilda «Shalke»dan 30 million yevro evaziga «Bavariya»ga o‘tgan edi. Uning amaldagi shartnomasi 2026 yilning 30 iyuniga qadar mo‘ljallangan. Joriy mavsumda posbon myunxenliklar safida barcha musobaqalarda 34 ta o‘yinda maydonga tushib, 33 ta gol o‘tkazib yubordi va 11 ta uchrashuvda o‘z darvozasi daxlsizligini saqlab qoldi.