«Бавария» спорт директори Макс Эберль дарвозабон Мануэль Нойер билан шартномани узайтириш эҳтимоли ҳақидаги вазиятга тўхталиб ўтди.

«Нойер — афсона. Биз музокаралар столига ўтирамиз ва янги шартнома борасида хотиржам гаплашиб оламиз. Агар Нойер шартномани узайтиришга ўзини тайёр ҳис қилса, унинг яна бир йил давомида «Бавария»да тўп суришига нима тўсқинлик қилиши мумкинлигини билмайман», — деди Эберль ZDF телеканалига берган интервьюсида.

Мануэль Нойер 2011 йилда «Шальке»дан 30 миллион евро эвазига «Бавария»га ўтган эди. Унинг амалдаги шартномаси 2026 йилнинг 30 июнига қадар мўлжалланган. Жорий мавсумда посбон мюнхенликлар сафида барча мусобақаларда 34 та ўйинда майдонга тушиб, 33 та гол ўтказиб юборди ва 11 та учрашувда ўз дарвозаси дахлсизлигини сақлаб қолди.