Madridning «Real» klubi sobiq futbolchisi Guti klub Joze Mourinyoni ortga qaytarmasligi kerak deb hisoblaydi. Hozirda «Benfika»da faoliyat yuritayotgan portugaliyalik mutaxassis «qaymoqranglilar» boshqaruvi uchun nomzodlardan biri sifatida ko‘rilmoqda.
«Mourinyu — buyuk murabbiy, biroq, menimcha, uning eng gullagan davri ortda qoldi. Undan ko‘ra afzalroq ko‘rinadigan boshqa murabbiylar bor», — deya Gutining so‘zlarini keltiradi The Touchline.
Joze Mourinyu 2010 yildan 2013 yilgacha «Real»da ishlagan. «The Special One»ning «Benfika» bilan amaldagi shartnomasi 2027 yilning yoziga qadar mo‘ljallangan. Kutilishicha, «qirollik klubi» mavsum yakunlanganidan so‘ng amaldagi bosh murabbiy Alvaro Arbeloa bilan xayrlashadi.
