«PSJ» o‘ng qanot himoyachisi Ashraf Hakimiy Liga 1 doirasidagi «Anje»ga qarshi o‘yinda jarohat oldi. Marokashlik futbolchi parijliklarning asosiy tarkibida maydonga tushdi, biroq ikkinchi bo‘lim boshlanishidan oldin almashtirildi.
L'Equipe nashrining ma’lumotiga ko‘ra, Hakimiy tezlashuvdan so‘ng noqulaylik sezgan, shu sababli Luis Enrike uni maydondan olishga qaror qilgan. Biroq, manbaning ta’kidlashicha, bu shunchaki ehtiyot chorasi — lateral 28 aprelga belgilangan «Bavariya»ga qarshi Chempionlar ligasi yarim final dastlabki uchrashuvigacha tiklanishga ulguradi.
«PSJ» va «Anje» o‘rtasidagi uchrashuv amaldagi chempionlarning 3:0 hisobidagi yirik g‘alabasi bilan yakunlandi. Gollarga Li Kan In, Senni Meyulyu va Lukas Beraldo mualliflik qilishdi.
