«ПСЖ» ўнг қанот ҳимоячиси Ашраф Ҳакимий Лига 1 доирасидаги «Анже»га қарши ўйинда жароҳат олди. Марокашлик футболчи парижликларнинг асосий таркибида майдонга тушди, бироқ иккинчи бўлим бошланишидан олдин алмаштирилди.
L'Equipe нашрининг маълумотига кўра, Ҳакимий тезлашувдан сўнг ноқулайлик сезган, шу сабабли Луис Энрике уни майдондан олишга қарор қилган. Бироқ, манбанинг таъкидлашича, бу шунчаки эҳтиёт чораси — латераль 28 апрелга белгиланган «Бавария»га қарши Чемпионлар лигаси ярим финал дастлабки учрашувигача тикланишга улгуради.
«ПСЖ» ва «Анже» ўртасидаги учрашув амалдаги чемпионларнинг 3:0 ҳисобидаги йирик ғалабаси билан якунланди. Голларга Ли Кан Ин, Сенни Меюлю ва Лукас Беральдо муаллифлик қилишди.
