Angliya chempionatining 34-turida Londonning «Arsenal» klubi «Nyukasl»ni minimal hisobda mag‘lub etib, yana g‘alabalar yo‘liga qaytdi. Birinchi davrada ham londonliklar «qarg‘alar»ga qarshi muvaffaqiyatli harakat qilishgan edi — o‘shanda, 2025 yil 28 sentyabrda «kanonirlar» 2:1 hisobida zafar quchishgan.

Ma’lum bo‘lishicha, «Arsenal» amaldagi bosh murabbiy Mikel Arteta qo‘l ostida bir mavsum davomida «Nyukasl»ni ikki bor mag‘lub etishi atigi ikkinchi marta kuzatilmoqda. Ilk bor bunday natija Artetaning «Arsenal»dagi debyut mavsumida (2020/2021) qayd etilgan edi. O‘shanda o‘yinlar «kanonirlar» foydasiga 3:0 va 2:0 hisobida yakunlangan.