«Barselona»ning sobiq yarim himoyachisi va sobiq murabbiyi Xavi 2010 yilda «Oltin to‘p»ni qo‘lga kiritishi kerak bo‘lgan deb hisoblamaydi.
O‘shanda yilning eng yaxshi futbolchisi uchun beriladigan sovrin Xavi bilan bir klubda to‘p tepgan Lionel Messiga nasib etgandi. Xavi uchinchi, uning jamoadoshi Andres Inyesta esa ikkinchi o‘rinni egallagan edi.
«Messi futbolchi sifatida mendan ancha yaxshiroq, bunga hech qanday shubha yo‘q, taqqoslashning o‘zi bema’nilik.
U 2010 yilgi «Oltin to‘p»ni qo‘lga kiritganida, men adolat qaror topganini his qilganman.
Meni «Oltin to‘p»dan mahrum qilishgan deb hisoblamayman», — dedi Xavi Romarioga bergan intervyusida.
