"Manchester Siti" ustozi Xosep Gvardiola Erling Xolandning sermahsulligi haqida o‘z fikrlari bilan o‘rtoqlashdi. Hujumchi Premyer-liganing oxirgi ikki turida "Arsenal" (2:1) va "Byornli" (1:0) darvozasini ishg‘ol qildi — har ikki gol jamoasiga g‘alaba keltirdi. Bundan avvalroq norvegiyalik futbolchi Angliya Kubogi doirasida "Liverpul"ga qarshi bahsda (4:0) xet-trik qayd etgan edi.
"Marmush Afrika kubogiga ketgan paytda Xoland to‘xtovsiz har uch kunda o‘ynashiga to‘g‘ri keldi — buning oqibatida uning o‘yin ritmiga putur yetdi. Endi esa Erling to‘laqonli tiklanish imkoniga ega va biz nimani ko‘ryapmiz? U yana "uchmoqda", gollar urib, golli uzatmalarni amalga oshirmoqda!" — deya Gvardiolaning so‘zlaridan iqtibos keltirmoqda City Report.
Shanba kuni Angliya Kubogi yarim finali doirasidagi "Sautgempton"ga (2:1) qarshi o‘yinda Xoland 71-daqiqada zaxiradan maydonga tushdi, biroq bu safar gol ura olmadi.
