«Tottenxem» yarim himoyachisi Xavi Simons Premyer-liga doirasida «Vulverxempton»ga qarshi kechgan so‘nggi o‘yinda og‘ir jarohat oldi. Niderlandiyalik futbolchi uchrashuvning 63-daqiqasida zaxiraga olingan edi.

Jurnalist Fabrisio Romano xabar berishicha, eng yomon shubhalar o‘z tasdig‘ini topdi: 23 yoshli futbolchida oldingi xochsimon bog‘lamlari uzilishi aniqlandi. U endi faqat 2027 yilda safga qayta oladi.

Xavi Simons o‘tgan yilning yozida Germaniyaning «RB Leypsig» klubidan «shporlar» safiga kelib qo‘shilgan edi. Angliyadagi debyut mavsumida u «Tottenxem» uchun 41 ta o‘yinda maydonga tushib, 5 ta gol va 6 ta golli uzatmani amalga oshirdi. «Vulverxempton» bilan bahsda Roberto de Dzerbi jamoasi so‘nggi daqiqalarda kiritilgan gol evaziga g‘alabani ilib ketdi (1:0).