Londonning «Chelsi» klubiga tegishli bo‘lgan va hozirda ijara asosida «Bavariya» safida to‘p surayotgan hujumchi Nikolas Jekson yozgi transfer oynasida jamoasini o‘zgartirishi mumkin. Bu haqda talkSPORT nashri xabar bermoqda.
Avvalroq Myunxen klubi senegallik forvardning transfer huquqini sotib olmasligi ma’lum bo‘lgan edi. Manbaning bergan ma’lumotiga ko‘ra, tez orada Angliyaga qaytadigan Jeksonning xizmatlariga «Nyukasl» klubi jiddiy qiziqish bildirmoqda. «Qarg‘alar» futbolchi uchun asosiy da’vogarlardan biri bo‘lib turibdi.
Joriy mavsumda 24 yoshli Nikolas Jekson barcha musobaqalarda jami 29 ta uchrashuvda maydonga tushib, o‘z hisobiga 10 ta gol va 4 ta samarali uzatmani yozdirib qo‘ydi.
Eslatib o‘tamiz, hujumchining «Chelsi» bilan amaldagi shartnomasi 2033 yilga qadar mo‘ljallangan. Transfermarkt portali mutaxassislari futbolchining bozor qiymatini 40 million yevroga baholamoqda.
