Лондоннинг «Челси» клубига тегишли бўлган ва ҳозирда ижара асосида «Бавария» сафида тўп сураётган ҳужумчи Николас Жексон ёзги трансфер ойнасида жамоасини ўзгартириши мумкин. Бу ҳақда talkSPORT нашри хабар бермоқда.

Аввалроқ Мюнхен клуби сенегаллик форварднинг трансфер ҳуқуқини сотиб олмаслиги маълум бўлган эди. Манбанинг берган маълумотига кўра, тез орада Англияга қайтадиган Жексоннинг хизматларига «Ньюкасл» клуби жиддий қизиқиш билдирмоқда. «Қарғалар» футболчи учун асосий даъвогарлардан бири бўлиб турибди.

Жорий мавсумда 24 ёшли Николас Жексон барча мусобақаларда жами 29 та учрашувда майдонга тушиб, ўз ҳисобига 10 та гол ва 4 та самарали узатмани ёздириб қўйди.

Эслатиб ўтамиз, ҳужумчининг «Челси» билан амалдаги шартномаси 2033 йилга қадар мўлжалланган. Transfermarkt портали мутахассислари футболчининг бозор қийматини 40 миллион еврога баҳоламоқда.