"PSJ" vingeri Xvicha Kvarasxeliya o‘ziga berilgan mashhur «Kvaradona» laqabi va afsonaviy Diyego Maradona bilan qiyoslanishlari haqida o‘z fikrlarini bildirib o‘tdi.
«Napoli»da o‘ynab yurgan vaqtlarimda ko‘chada odamlar meni «Kvaradona» deb chaqirishardi. Dunyo futboli tarixidagi eng yaxshi o‘yinchilardan biri bilan qiyoslanishlari doim yoqimli. Maradona «Napoli»da to‘p surgan va har bir neapollik oilada uning suratlari bor. U haqiqatda tarixdagi eng buyuk futbolchilardan biri va men bu laqabdan juda faxrlanaman», — dedi gruziyalik futbolchi.
Shuningdek, Xvicha bunday e’tirofning mas’uliyati haqida ham to‘xtalib o‘tdi: «Bilasizmi, Maradona bilan qiyoslanish oson emasdi. Chunki har safar maydonga tushganingizda ushbu nomga loyiq ekaningizni isbotlashingiz kerak. Ammo baribir bundan juda xursandman».
