"ПСЖ" вингери Хвича Кварацхелия ўзига берилган машҳур «Кварадона» лақаби ва афсонавий Диего Марадона билан қиёсланишлари ҳақида ўз фикрларини билдириб ўтди.

«Наполи»да ўйнаб юрган вақтларимда кўчада одамлар мени «Кварадона» деб чақиришарди. Дунё футболи тарихидаги энг яхши ўйинчилардан бири билан қиёсланишлари доим ёқимли. Марадона «Наполи»да тўп сурган ва ҳар бир неаполлик оилада унинг суратлари бор. У ҳақиқатда тарихдаги энг буюк футболчилардан бири ва мен бу лақабдан жуда фахрланаман», — деди грузиялик футболчи.

Шунингдек, Хвича бундай эътирофнинг масъулияти ҳақида ҳам тўхталиб ўтди: «Биласизми, Марадона билан қиёсланиш осон эмасди. Чунки ҳар сафар майдонга тушганингизда ушбу номга лойиқ эканингизни исботлашингиз керак. Аммо барибир бундан жуда хурсандман».