«Chelsi» yangi doimiy bosh murabbiy izlash ishlarini boshladi. Yaqinda «pensionerlar» Liam Rossenyor bilan xayrlashishdi — u London klubida taxminan uch oy faoliyat yuritdi.

The Telegraph nashrining xabar berishicha, «Chelsi»ning munosib nomzod topish bo‘yicha ishlari hali boshlang‘ich bosqichda. Londonliklar ko‘rib chiqayotgan mutaxassislar qatorida Andoni Iraola, Marku Silva va Xabi Alonso bor.

Iraola mavsum yakunlangach «Bornmut»ni tark etadi — bu haqda allaqachon e’lon qilingan. Silva «Fulxem»dan ketishi mumkin, chunki uning shartnomasi iyun oyi oxirida tugaydi. Alonso esa yanvar oyi o‘rtalarida «Real»dan iste’foga chiqarilganidan beri klubsiz yuribdi.

Hozirda «Chelsi» Premyer-liga turnir jadvalida sakkizinchi o‘rinni egallab turibdi.