Myunxenning «Bavariya» klubi bilan xayrlashishi aniq bo‘lgan Leon Goretska faoliyatini Italiya A Seriyasida davom ettirishi mumkin. «Milan» klubi 31 yoshli yarim himoyachi uchun kurashda asosiy da’vogarga aylandi.
Ma’lumotlarga ko‘ra, «rossonerilar» Goreskaga yillik 5 million yevro maosh va qo‘shimcha bonuslar bilan 2029 yilga qadar mo‘ljallangan shartnoma taklif qilgan. Shuningdek, futbolchini ko‘ndirish maqsadida kelishuvni 2030 yilgacha uzaytirish imkoniyati ham ko‘rib chiqilmoqda. Massimiliano Allegri boshqaruvidagi jamoa Goretskani yozgi transfer oynasining bosh maqsadi sifatida belgilagan.
Eslatib o‘tamiz, «Bavariya» rahbariyati Goretska bilan amaldagi shartnoma uzaytirilmasligini yil boshidayoq tasdiqlagan edi.
