Мюнхеннинг «Бавария» клуби билан хайрлашиши аниқ бўлган Леон Горетцка фаолиятини Италия А Сериясида давом эттириши мумкин. «Милан» клуби 31 ёшли ярим ҳимоячи учун курашда асосий даъвогарга айланди.
Маълумотларга кўра, «россонерилар» Горецкага йиллик 5 миллион евро маош ва қўшимча бонуслар билан 2029 йилга қадар мўлжалланган шартнома таклиф қилган. Шунингдек, футболчини кўндириш мақсадида келишувни 2030 йилгача узайтириш имконияти ҳам кўриб чиқилмоқда. Массимилиано Аллегри бошқарувидаги жамоа Горетцкани ёзги трансфер ойнасининг бош мақсади сифатида белгилаган.
Эслатиб ўтамиз, «Бавария» раҳбарияти Горетцка билан амалдаги шартнома узайтирилмаслигини йил бошидаёқ тасдиқлаган эди.
