«Manchester Siti» hujumchisi Erling Xoland o‘z kelajagi borasida bayonot berdi. Norvegiyalik futbolchining so‘zlariga ko‘ra, u shu yozda klubini o‘zgartirish niyatida emas.
«Men juda baxtliman va kelajakni intiqlik bilan kutyapman, chunki hozir klub uchun ham, men uchun ham futbolchi sifatida qiziqarli davr. Men «Manchester Siti»da o‘ynashda davom etaman», — dedi Xoland ESPN nashriga.
Eslatib o‘tamiz, o‘tgan yilning boshida Erling Xoland «Manchester Siti» bilan uzoq muddatli shartnoma imzolagan edi. Ushbu kelishuv 2034 yilning o‘rtalariga qadar amal qiladi.
Xoland «Manchester Siti» safida jami 194 ta o‘yin o‘tkazib, o‘z hisobiga 159 ta gol va 28 ta golli uzatmani yozdirib qo‘ygan.













