«Манчестер Сити» ҳужумчиси Эрлинг Холанд ўз келажаги борасида баёнот берди. Норвегиялик футболчининг сўзларига кўра, у шу ёзда клубини ўзгартириш ниятида эмас.
«Мен жуда бахтлиман ва келажакни интиқлик билан кутяпман, чунки ҳозир клуб учун ҳам, мен учун ҳам футболчи сифатида қизиқарли давр. Мен «Манчестер Сити»да ўйнашда давом этаман», — деди Холанд ESPN нашрига.
Эслатиб ўтамиз, ўтган йилнинг бошида Эрлинг Холанд «Манчестер Сити» билан узоқ муддатли шартнома имзолаган эди. Ушбу келишув 2034 йилнинг ўрталарига қадар амал қилади.
Холанд «Манчестер Сити» сафида жами 194 та ўйин ўтказиб, ўз ҳисобига 159 та гол ва 28 та голли узатмани ёздириб қўйган.
