Madridning «Atletiko» klubi bosh murabbiyi Diyego Simeone Chempionlar Ligasi yarim finali doirasidagi Londonning «Arsenal» jamoasiga qarshi birinchi o‘yin oldidan o‘z fikrlarini bildirdi.
Niderlandiyalik Danni Makkeli boshchiligidagi hakamlar brigadasi boshqarib boradigan uchrashuv 29 aprel oqshomida bo‘lib o‘tadi.
«Atletiko» yana yarim finalda, bu 14 yil ichidagi to‘rtinchisi. Bu aql bovar qilmas natija. Biz ajoyib jamoaga qarshi o‘ynaymiz, ammo g‘alaba qozonish uchun bor kuchimizni ishga solamiz. Bu biz uchun bosim emas, balki mas’uliyatdir. Asosiy maqsadimiz — klub tarixida hali hech kim uddalay olmagan ishni amalga oshirish», — deya Simeonening so‘zlarini keltiradi AS nashri.
