«Bavariya» himoyachisi Dayo Upamekanoning fikricha, Vensan Kompanining diskvalifikasiyasi «PSJ»ga qarshi o‘yinda jamoaga salbiy ta’sir ko‘rsatmaydi.
Jamoalar o‘rtasidagi Chempionlar ligasi yarim finalining ilk uchrashuvi bugun, 28 aprel kuni Parijda bo‘lib o‘tadi. «Bavariya» bosh murabbiyi «Real»ga qarshi kechgan 1/4 final javob uchrashuvida olgan sariq kartochkasi tufayli bugungi bahsni o‘tkazib yuboradi.
«Biz u bilan butun mavsum davomida birga ishladik va barcha ko‘rsatmalarni o‘zlashtirib bo‘lganmiz. Uning maydon chetida bo‘lmasligi bilan xarakterimiz o‘zgarib qolmaydi», — dedi Upamekano o‘yin oldidan o‘tkazilgan matbuot anjumanida.
