«PSJ» darvozaboni Matvey Safonov Chempionlar Ligasi yarim finalida maydonga tushadigan ilk rossiyalik golqiperga aylandi. Futbolchi parijliklarning seshanba, 28 aprel kuni bo‘lib o‘tadigan «Bavariya»ga qarshi yarim final uchrashuvi uchun asosiy tarkibiga kiritildi.
Qayd etish lozimki, 1991 yilda darvozabon Stanislav Cherchesov «Spartak» tarkibida «Marsel»ga qarshi yarim finalda o‘ynagan, biroq o‘sha paytda turnir «Evropa chempionlari kubogi» deb atalgan va boshqa formatda o‘tkazilgan.
«PSJ» — «Bavariya» o‘yini Parijdagi «Park de Prens» stadionida bo‘lib o‘tadi. Uchrashuvda shveysariyalik Sandro Sherer (Byuttikon) bosh hakamlik qiladi. Hakamning boshlang‘ich hushtagi Toshkent vaqti bilan soat 00:00 da yangraydi.













