«ПСЖ» дарвозабони Матвей Сафонов Чемпионлар Лигаси ярим финалида майдонга тушадиган илк россиялик голқиперга айланди. Футболчи парижликларнинг сешанба, 28 апрель куни бўлиб ўтадиган «Бавария»га қарши ярим финал учрашуви учун асосий таркибига киритилди.
Қайд этиш лозимки, 1991 йилда дарвозабон Станислав Черчесов «Спартак» таркибида «Марсель»га қарши ярим финалда ўйнаган, бироқ ўша пайтда турнир «Европа чемпионлари кубоги» деб аталган ва бошқа форматда ўтказилган.
«ПСЖ» — «Бавария» ўйини Париждаги «Парк де Пренс» стадионида бўлиб ўтади. Учрашувда швейцариялик Сандро Шерер (Бюттикон) бош ҳакамлик қилади. Ҳакамнинг бошланғич ҳуштаги Тошкент вақти билан соат 00:00 да янграйди.
