«Manchester Yunayted» sobiq futbolchisi Rio Ferdinand «qizil iblislar»ning «Real» yarim himoyachisi Orelyen Tchuameniga bo‘lgan qiziqishi haqida o‘z fikrini bildirdi.
«Tchuameni «Manchester Yunayted»dami? U «MYU» uchun ajoyib o‘yinchi bo‘lgan bo‘lardi, lekin uni sotib olishning iloji bormikin? U fantastik futbolchi. Fransiyaning Angliyaga qarshi o‘yinini eslayman, u o‘shanda ajoyib o‘ynagandi. U muhim bahslarda ishtirok etgan, katta tajribaga ega. Agar biz uni qo‘lga kiritganimizda, bu juda yaxshi bo‘lardi», — dedi Ferdinand o‘z podkastida.
Orelyen Tchuameni 2022 yilda 80 million yevro evaziga «Monako»dan «Real»ga o‘tgan edi. Uning «qaymoqranglilar» bilan shartnomasi 2028 yil 30 iyungacha mo‘ljallangan. Joriy mavsumda fransiyalik futbolchi madridliklar safida barcha turnirlarda 45 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
