«Манчестер Юнайтед» собиқ футболчиси Рио Фердинанд «қизил иблислар»нинг «Реал» ярим ҳимоячиси Орельен Тчуаменига бўлган қизиқиши ҳақида ўз фикрини билдирди.

«Тчуамени «Манчестер Юнайтед»дами? У «МЮ» учун ажойиб ўйинчи бўлган бўларди, лекин уни сотиб олишнинг иложи бормикин? У фантастик футболчи. Франциянинг Англияга қарши ўйинини эслайман, у ўшанда ажойиб ўйнаганди. У муҳим баҳсларда иштирок этган, катта тажрибага эга. Агар биз уни қўлга киритганимизда, бу жуда яхши бўларди», — деди Фердинанд ўз подкастида.

Орельен Тчуамени 2022 йилда 80 миллион евро эвазига «Монако»дан «Реал»га ўтган эди. Унинг «қаймоқранглилар» билан шартномаси 2028 йил 30 июнгача мўлжалланган. Жорий мавсумда франциялик футболчи мадридликлар сафида барча турнирларда 45 та ўйинда майдонга тушиб, 2 та гол урди ва 2 та голли узатмани амалга оширди.