«Liverpul» chap qanot himoyachisi Endryu Robertson mavsum yakunlanganidan keyin erkin agentga aylanadi. Ma’lum bo‘lishicha, shotlandiyalik futbolchining muddati tugayotgan shartnomasi uzaytirilmaydi. 32 yoshli futbolchi uchun asosiy da’vogar «Tottenxem» hisoblanayotgan edi, biroq agar «shporlar» Chempionshipga tushib ketsa, bu kelishuv amalga oshishi amrimahol.
Daily Record nashriga tayanib Transfer News Live xabar berishicha, Madridning «Atletiko» klubi Robertsonga bo‘lgan qiziqishini yana tiklagan. «Matraschilar» bir necha oy oldin ham futbolchiga da’vogarlar qatorida tilga olingan edi. Endryu Robertson 2017 yildan buyon «Liverpul» sharafini himoya qilib kelmoqda. Joriy mavsumda lateral «qizillar» safida 34 ta o‘yinda maydonga tushib, o‘z hisobiga 3 ta gol va 2 ta golli uzatmani yozdirib qo‘ydi.
