«Ливерпуль» чап қанот ҳимоячиси Эндрю Робертсон мавсум якунланганидан кейин эркин агентга айланади. Маълум бўлишича, шотландиялик футболчининг муддати тугаётган шартномаси узайтирилмайди. 32 ёшли футболчи учун асосий даъвогар «Тоттенхэм» ҳисобланаётган эди, бироқ агар «шпорлар» Чемпионшипга тушиб кетса, бу келишув амалга ошиши амримаҳол.

Daily Record нашрига таяниб Transfer News Live хабар беришича, Мадриднинг «Атлетико» клуби Робертсонга бўлган қизиқишини яна тиклаган. «Матрасчилар» бир неча ой олдин ҳам футболчига даъвогарлар қаторида тилга олинган эди. Эндрю Робертсон 2017 йилдан буён «Ливерпуль» шарафини ҳимоя қилиб келмоқда. Жорий мавсумда латераль «қизиллар» сафида 34 та ўйинда майдонга тушиб, ўз ҳисобига 3 та гол ва 2 та голли узатмани ёздириб қўйди.