«Milan»ning sobiq futbolchisi Klarens Zeedorf Amazon Prime efirida «PSJ» – «Bavariya» uchrashuvini tahlil qilgan ekspertlardan biri bo‘ldi. Ma’lumki, Chempionlar ligasining dastlabki yarim finalida parijliklar o‘z maydonida 5:4 hisobida g‘alaba qozonishdi.

Zeedorfning fikricha, «PSJ» va «Bavariya»ning bor e’tiborini hujumkor futbolga qaratgani joriy mavsumda Chempionlar ligasi bosh sovrini uchun kurashda ularga xalaqit berishi mumkin.

«Biz «Arsenal» kabi jamoalarning ko‘p bora darvozasi daxlsizligini saqlab qolgani va muvaffaqiyatga erishganiga guvoh bo‘ldik. Ular bu kubokni qo‘lga kiritishlari mumkin», — dedi Zeedorf.

Ta’kidlash joizki, «Arsenal» hali biror marta Chempionlar ligasida g‘olib chiqmagan. «To‘pchilar» o‘z tarixidagi yagona finalda (2006 yilda) «Barselona»ga 1:2 hisobida imkoniyatni boy berishgan.

Chorshanba kuni, 29 aprel soatida, «Arsenal» yarim final doirasida «Atletiko» mehmoni bo‘ladi.