«PSJ» va «Bavariya» o‘rtasidagi Chempionlar ligasi yarim finalining Parijdagi bahsi 5:4 hisobida yakunlandi. Angliya terma jamoasining sobiq futbolchisi Alan Shirer o‘yin haqidagi taassurotlari bilan o‘rtoqlashdi.
«Bu men ko‘rgan eng buyuk o‘yinlardan biri bo‘ldi. Raqibdan ko‘proq gol ura olishiga ishonadigan ikki jamoa to‘qnash keldi. Endi «PSJ»da kichik, juda kichik ustunlik bor. Kelasi hafta biz har ikki jamoa ijrosida taxminan shunday yondashuvni ko‘ramiz. Bu yerda bo‘lish men uchun mutlaq zavq bag‘ishladi», — dedi Shirer Amazon Prime efirida.
«Bavariya» chorshanba kuni, 6 may kuni o‘z maydonida «PSJ»ni qabul qiladi.













