«ПСЖ» ва «Бавария» ўртасидаги Чемпионлар лигаси ярим финалининг Париждаги баҳси 5:4 ҳисобида якунланди. Англия терма жамоасининг собиқ футболчиси Алан Ширер ўйин ҳақидаги таассуротлари билан ўртоқлашди.
«Бу мен кўрган энг буюк ўйинлардан бири бўлди. Рақибдан кўпроқ гол ура олишига ишонадиган икки жамоа тўқнаш келди. Энди «ПСЖ»да кичик, жуда кичик устунлик бор. Келаси ҳафта биз ҳар икки жамоа ижросида тахминан шундай ёндашувни кўрамиз. Бу ерда бўлиш мен учун мутлақ завқ бағишлади», — деди Ширер Amazon Prime эфирида.
«Бавария» чоршанба куни, 6 май куни ўз майдонида «ПСЖ»ни қабул қилади.
